Menaxher i Përgjithshëm Hoteli - Tiranë

EPPC Albania kërkon një Menaxher të Përgjithshëm Hoteli, për klientin e saj, një ndër hotelet më prestigjoze dhe me histori suksesi në vend.

MUNDËSIA JUAJ

Klienti është në kërkim të një kandidati i cili duhet të ketë përvojë në menaxhim në sektorin e Hoteleri-Turizmit. Ai/Ajo do të jetë përgjegjës për të mbajtur standardet më të mira të shërbimit, shëndetit, ushqimit, sigurisë në punë, si edhe për performancën financiare.

Përgjegjësitë Kryesore:

• Plotëson nevojat e hotelit me staf, duke përzgjedhur, trajnuar, monitoruar dhe vlerësuar punën e tyre nëpërmjet dhënies së feedback-ut të vazhdueshëm;
• Përgatit plane konkrete me qëllim përmirësimin e vazhdueshëm të menaxhimit të shërbimeve në hotel;
• Përgatit buxhetin vjetor, identifikon dhe vlerëson risqet dhe shpenzimet, arrin objektivat financiarë;
• Drejton dhe monitoron fushatat e marketingut;
• Menaxhon dhe mirëmban marrëdhëniet me kontraktorët dhe furnitorët;
• Monitoron dhe mirëmban ambientet si dhe shërbimet e ofruara;
• Kujdeset të sigurojë përpuethshmërinë me procedurat dhe ligjet mbi licensimin, shëndetin dhe sigurinë.

Kërkesat për këtë pozicion janë:

• Diplomë Universitare, e preferueshme në Menaxhim/Administrim Biznes/Hoteleri Turizëm;
• Përvojë e mëparshme në sektorin e hoteleri-turizmit, në nivele drejtuese jo më pak se 5 vjet;
• Aftësi drejtuese, udhëheqëse, organizative dhe vendimmarrëse;
• Njohuri të shkëlqyera të gjuhës angleze dhe MS Office;
• Integritet, dhe besueshmëri profesionale;
• Përgjegjshmëri dhe qëndrim korrekt me stafin dhe klientët.

Të dhënat:

Pozicioni: Menaxher i Përgjithshëm Hoteli;
Vendndodhja: Tiranë;
Pagesa: Pagë në nivel drejtuesi;
Kontrata: Sipas Kodit të Punës;
Aplikimet mbyllen: 19 Tetor 2018.