Menaxher i Departamentit te Burimeve Njerezore

EPPC Albania kërkon një Menaxher i Departamentit të Burimeve Njerëzore për klientin e saj, një ndër kompanitë më të mëdha e të konsoliduara në vend dhe rajon.

Përgjegjësitë Kryesore:

• Dizenjon, formulon, rishikon dhe rekomandon politikat dhe objektivat e BNJ për kompaninë;
• Kontrollon implementimin e programeve të BNJ për stafin;
• Përgjegjës për hartimin, zbatimin e strategjive të zhvillimit të stafit, duke përfshirë vlerësimin e performancës, trajnimin dhe zhvillimin e stafit, promovimet dhe strategjitë e vazhdimësisë për pozicionet kyçe;
• Menaxhon stafin e Departamentit – trajnon personelin e ri nën mbikqyrjen e tij/saj;
• Mban kontakte të ngushta me autoritetet ligjore/shtetërore dhe palët kyçe të interesit për Burimet Njerëzore, çështjet që i shërbejnë interesit më të mirë të operacioneve të kompanisë në selinë qendrore dhe njësitë e biznesit;
• Dizenjon dhe mundëson praktikat më të mira përsa i përket elementeve të pagës, duke përfshirë kompensimet, benefitet, skemën e sigurimeve dhe paketat e tjera të ngjashme;
• Menaxhon buxhetin e departamentit të BNJ;
• Siguron delegimin efektiv të detyrave sa herë është e nevojshme tek stafi direkt që ka në varësi.

Kërkesat për këtë pozicion janë:

• Diplomë Universitare në Shkenca Ekonomike/Shkenca Sociale/Juridike etj;
• Përvojë e mëparshme e konsoliduar në pozicione drejtuese në BNJ;
• Të zotërojë shumë mirë gjuhën Angleze;
• Përvojë në hartimin e programeve të rekrutimit, kompensimit dhe përfitimeve, zhvillimit të stafit;
• Aftësi drejtuese, organizative dhe vendimmarrëse.


Si të aplikoni:

Për të aplikuar për këtë mundësi punësimi, ju lutemi dërgoni aplikimin tuaj duke ndjekur linkun: https://aplikim.eppc.al