Menaxher Rrjeti Restorantesh

eppc kërkon një Menaxher Rrjeti Restorantesh për klientin e saj i cili është një ndër kompanitë më të mëdha në vend.

MUNDËSIA JUAJ

Klienti është në kërkim të një kandidati i cili duhet të ketë përvojë në menaxhimin e restoranteve. Ai/Ajo do të jetë përgjegjës për të mbajtur standardet më të mira të ushqimit, shërbimit, shëndetit, sigurisë në punë, si edhe për performancën financiare.

Përgjegjësitë Kryesore:

• Plotëson nevojat e restoranteve me staf, duke përzgjedhur, trajnuar, monitoruar dhe vlerësuar punën e tyre nëpërmjet dhënies së feedback-ut të vazhdueshëm;
• Përgatit plane konkrete me qëllim përmirësimin e vazhdueshëm të menaxhimit të restoranteve;
• Përgatit buxhetin vjetor, identifikon dhe vlerëson risqet dhe shpenzimet, arrin objektivat financiarë;
• Inkurajon klientët biznese për të organizuar festa dhe eventet e tyre në restorantet që menaxhon;
• Drejton dhe monitoron fushatat e marketingut;
• Monitoron dhe mirëmban ambientet si dhe shërbimet e ofruara;
• Kujdeset të mbajë një ambient pune të sigurt, të pastër, të shëndetshëm dhe cilësor.

Kërkesat për këtë pozicion janë:

• Diplomë Universitare, e preferueshme në Menaxhim dhe/ose Administrim Biznes;
• Përvojë e mëparshme në menaxhim restorantesh apo baresh jo më pak se 5 vjet;
• Njohuri shumë të mira të gjuhës angleze;
• Aftësi drejtuese, udhëheqëse, organizative dhe vendimmarrëse;
• Integritet, dhe besueshmëri profesionale;
• Përgjegjshmëri dhe qëndrim korrekt me stafin.

Të dhënat:

Pozicioni: Menaxher Rrjeti Restorantesh;
Vendndodhja: Tiranë;
Orari: 45 orë në javë;
Pagesa: Pagë në nivel drejtuesi;
Përfitime te tjera: Makinë pune;
Kontrata: Sipas Kodit të Punës;
Aplikimet mbyllen: 7 Korrik 2014.