Manaxher i Buxhetit dhe Raportimeve, Departamenti i Financës

Manaxher i Buxhetit dhe Raportimeve, Departamenti i Financës

Qëllimi i punës:
Përgjegjës për përgatitjen e raportimit dhe të dhënave analitike, përfshirë informacionin jofinanciar duke siguruar integritetin e të dhënave dhe pajtueshmërinë me kërkesat e raportimit. Monitoron dhe analizon varianca të buxhetit dhe sjell propozime për përmirësime.

Përgjegjësitë e pozicionit:
1. Përgatit raportime javore mbi të dhënat financiare, mbledh parashikime nga departamentet për fundin e muajit, përgatit prezantime për indikatorët financiarë dhe aktivitetet javore;
2. Në baza mujore, përgatit paketën e raportimit të menaxhimit duke përfshirë Indikatorët Kyç financiarë/jofinanciarë;
3. Siguron që paketa mujore e raportimit kontabël për manaxhimin dhe raportet e Indikatorëve Kyç të Performancës plotësohen me saktësi dhe dorëzohen brenda afateve kohore;
4. Monitoron në baza mujore, përgatit analizën dhe jep komente mbi variancat kryesore të aktualit krahasuar me buxhetin; Informon departamentet përgjegjës të buxhetit dhe rekomandon veprime korrigjuese;
5. Përgatit pasqyrat financiare të konsoliduara të grupit;
6. Përgatit prezantime për Bordin Drejtues në baza tremujore dhe vjetore;
7. Përgatit raporte tremujore/vjetore të SRU-së për Bankën e Shqipërisë. Aplikon dhe zhvillon raporte, të dhëna fikse dhe analizën e variancës për IFRS dhe SRU;
8. Mbështet përgatitjen e biznes planit financiar 3 vjeçar dhe buxhetin vjetor;
9. Përgatit prezantimin e biznes planit financiar, supozimet suportuese dhe raportet e detajuara mbështetëse;
10. Rishikon në baza 3-mujore buxhetin, duke siguruar përqasjen më të saktë dhe realiste duke marrë në konsideratë ndryshimet në kompani dhe produkte;
11. Kryen analizën e përfitueshmërisë të produkteve dhe degëve;

Kërkesat për pozicionin:
1. Diplomë Universitare e preferueshme në Financë, Ekonomi, Administrim Biznesi, Informatikë Ekonomike apo fusha të tjera të ngjashme;
2. Minimumi 5 vjet eksperiencë në fushën e raportimit dhe analizës në institucionet financiare;
3. Shumë i saktë dhe i kujdesshëm ndaj detajeve;
4. Aftësi të shkëlqyera organizative dhe i aftë në zgjidhjen e problemeve;
5. Aftësi të shkëlqyera raportuese;
6. Aftësi për të kuptuar modelin e përgjithshëm të biznesit dhe mjedisin në një institucion financiar;
7. Aftësi të demonstruara për të manaxhuar në mënyrë efektive shumë prioritete njëherësh;
8. Aftësi të shkëlqyera të komunikimit verbal dhe me shkrim, si dhe të gjuhës angleze;
9. Njohuri kompjuterike shumë të mira përfshirë këtu: Exel, Word dhe Outlook.

Si të aplikoni:

Dërgoni aplikimin tuaj brenda datës 2 Mars 2023.
Aplikimi duhet të përmbajë një CV të përditësuar dhe një letër motivimi për pozicionin përkatës.
Vetëm kandidatët e përzgjedhur do të kontaktohen nga Departamenti i Burimeve Njerëzore për një intervistë.