Shef i Njësisë së Kartave

Union Bank ka filluar aktivitetin në 2006, si pjesë e zgjerimit të kompanive të Union Group në Shqipëri. Që nga themelimi, banka ka njohur rritje sinjifikative në të gjithë sektorët dhe tani ka 30 degë në qytetet më kryesore të Shqiperisë.
Sot Union Bank ka rreth 380 punonjës në të gjithë Shqipërinë. Menaxhimi i Bankës i kushton rëndësi të veçantë krijimit të një ambjenti ku opinionet e punonjësve inkurajohen dhe vlerësohen. Ne jemi krenarë për raportet kolegiale dhe atmosferën në punë që kemi dhe kërkojmë që t’i përmirësojmë vazhdimisht ato.

Menaxhimi ka identifikuar nevojën për punësimin për Shef në Njësinë e Kartave në Departamentin e Pagesave dhe Kartave, në Drejtorinë e Përgjithshme, në Tiranë. Ftohen të aplikojnë kandidatë të përshtatshëm për këtë pozicion.

Shef i Njësisë së Kartave

Qëllimi i përgjithshem i punës: Përgjegjës për organizimin e punës së Njësisë së kartave, për kontrollin e mbarëvajtjes së proçeseve që lidhen me operacionet e lëshimit të kartave (Debitit dhe Credit) dhe përdorimit të tyre, pranimit të kartave në rrjetin e ATM-ve dhe POS-eve të Bankës, menaxhimin e rrjetit te ATM-ve dhe POS-eve menaxhimin e projekteve të reja në fushen e lëshimit dhe pranimit të kartave, evidentimin e problemeve operacionale, përmiresimin e proçedurave të operimit me karta me qëllim automatizimin dhe minimizimin e risqeve operacionale.

Përgjëgjësitë Kryesore:

1. Përgjëgjës për mbarëvajtjen dhe kontrollin e proçeseve ditore operacionale, qe lidhen me aktivitetet Issuing (karta debiti dhe Krediti) dhe Acquiring (ATM dhe POS).
2. Kontroll i ndjekjes dhe sistemimeve të veprimeve të pa rekonsiluara/pozicioneve të hapura nga aktiviteti Issuing dhe Acquiring.
3. Përgjegjës për përditësimin dhe përmirësimin e Proçedurave Operacionale të kartave (Issuing dhe Acquiring) në përputhje me proçedurat e brendshme, kërkesat e Bankës së Shqiperisë dhe standarteve ndërkombetare të MC.
4. Përgjegjës për përditësimin dhe përmirësimin e proçedurave të brendshme të Njësisë dhe ato të cilat rregullojnë aktivitetet e kryera nga Call Center. Trajnimi dhe organizimi i orarit të punës për punonjësit e Call Center.
5. Përgjegjës për implementimin me sukses të projekteve të cilat implementohen në Njësinë e kartave. Përfshihet operacionalisht në zhvillimin e produkteve të reja të cilat implementohen, si edhe merr pjesë aktive në testimet e nevojshme.
6. Kontroll i Alerteve dhe Buletineve të nxjerra nga Master Card, me qëllim që të garantojë përputhshmërinë e proçeseve dhe operacioneve me standartet e kërkuara nga Master Card.
7. Mban kontakte me proçesorin e kartave si edhe me përfaqësues të Master Card, për të zgjidhur probleme operacionale që lidhen me aktivitetin e Bankes (Issuing dhe Acquiring).
8. Përgjegjës për raportimin tek Departamentet e brendshme (Administratë, Kontabilitet) mbi faturimet e kryera nga palët e tjera (Proçesor, MasterCards), verifikimin e faturimeve (saktesinë e ngjarjeve të faturuara dhe çmimeve që të jenë në përputhje me termat e marrëveshjeve dhe kushtet të punës me këto pale).
9. Përgjegjës për përgatitjen e analizave financiare të aktivitetit të kartave, raporteve mbi produktivitetin e aktiviteteve dhe projekt buxheteve.
10. Kryen raportimet e detyrueshme mujore/tremujore tek palët e tjera (Master Card) dhe përcjell tek Departamentet e brendshme të Bankes (Raportimi, Risku) informacionin e nevojshëm për të kryer raportimet pranë Bankës së Shqiperisë (atë pjesë të informacionit që sigurohet nga sistemi i kartave).
11. Raporton rastet e mashtrimeve me karta, analizon transaksionet për të identifikuar pikën e kompromentimit dhe i përdor analizat për të përmirësuar rregullat e Fraud-Monitoring.
12. Përgjegjës për trajnimin dhe vlerësimin e performancës së punonjesve në Njësinë e Kartave dhe Njësinë e Call Center.
13. Studion tregun e kartave në Shqipëri, kushtet e përdorimit të kartave dhe të operimit të terminaleve POS nga Bankat e tjera dhe harton materiale ndihmëse të orientuara drejt shitjes së kartave të UB.

Profili individual i deshiruar:

• Arsim i larte, ekonomik ose fusha te lidhura me të.
• Eksperiencë e mëparshme në sektorin bankar në fushën e lëshimit të kartave dhe të aktivitetit të pranimit të kartave ATM dhe POS. Preferohet eksperiencë e mëparshme menaxheriale.
• Aftësi shumë të mira prezantimi me gojë dhe shkrim. Person kontakti me palët e treta (Master Card, deget/agjensitë e bankës dhe me departamentet e tjera të lidhura).
• Njohuri shumë të mira kompjuterike, në MS Office si dhe sistemet financiare dhe raportimit të bankes, sidomos modulet e lidhura me ATM dhe kartat.
• Njohuri të mira të gjuhes angleze.
• Tipare personale: aftësi shumë të mira organizimi; i/e kujdesshëm ndaj detajeve, korrekt/e, i/e komunikueshëm.

Personat e interesuar duhet të dërgojnë brenda datës 21 Tetor 2018:

- CV
- Letër “Shprehje Interesi” për pozicionin
- Kopje të diplomës dhe listës së notave
- Referenca nga punëdhënës të mëparshëm

Nepermjet :

Anegino-s

Vetëm kandidatët e përzgjedhur për intervistë do të kontaktohen.

Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.
Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive.
Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër. Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë me UnionBank.