Senior Specialist i Kartave

Union Bank ka filluar aktivitetin në 2006, si pjesë e zgjerimit të kompanive të Union Group në Shqipëri. Që nga themelimi, banka ka njohur rritje sinjifikative në të gjithë sektorët dhe tani ka 30 degë në qytetet më kryesore të Shqiperisë.
Sot Union Bank ka rreth 380 punonjës në të gjithë Shqipërinë. Menaxhimi i Bankës i kushton rëndësi të veçantë krijimit të një ambjenti ku opinionet e punonjësve inkurajohen dhe vlerësohen. Ne jemi krenarë për raportet kolegiale dhe atmosferën në punë që kemi dhe kërkojmë që t’i përmirësojmë vazhdimisht ato.

Menaxhimi ka identifikuar nevojën për punësimin për Senior Specialist i Kartave në Departamentin e Pagesave dhe Kartave, në Drejtorinë e Përgjithshme, në Tiranë. Ftohen të aplikojnë kandidatë të përshtatshëm për këtë pozicion.
Senior Specialist i Kartave

Qëllimi i përgjithshem i punës: Përgjegjës për kontrollin e mbarëvajtjes së proçeseve që lidhen me operacionet e lëshimit të kartave (Debitit dhe Credit) dhe përdorimit të tyre, pranimit të kartave në rrjetin e ATM-ve dhe POS-eve të Bankës, menaxhimin e rrjetit të ATM-ve dhe POS-eve menaxhimin e projekteve të reja në fushën e lëshimit dhe pranimit të kartave, evidentimin e problemeve operacionale, përmiresimin e proçedurave të operimit me karta me qëllim automatizimin dhe minimizimin e risqeve operacionale.

Përgjegjësitë Kryesore:

1. Përgjëgjës për mbarëvajtjen dhe ekzekutimin e proçesve ditore operacionale që lidhen me aktivitetet Issuing (karta debiti dhe Krediti), Acquiring (ATM dhe POS) dhe kryerjen e proçesit ditor “Settlement”.
2. Kontrollon veprimet e pa rekonsiluara/pozicionet e hapura nga aktiviteti Issuing dhe Acquiring në llogaritë tranzitore, identifikon transaksionet që nuk janë postuar automatikisht dhe siguron mbylljen e tyre.
3. Kryen kontrolle të aplikimeve, limiteve, balancave ndërmjet sistemit të Bankës dhe sistemit të Proçesorit për të garantuar që ka përputhshmëri ndërmjet të dy sistemeve.
4. Merr pjesë aktive në përgatitjen apo përditesimin e Proçedurave Operacionale që lidhen me aktivitetin e lëshimit dhe pranimit të kartave në përputhje me Proçedurat e brendshme, kërkesat e Bankës së Shqiperisë dhe standarteve ndërkombetare të Master Card.
5. Përgatit dhe modifikon sa herë është e nevojshme proçedurat të cilat rregullojnë aktivitetet e kryera nga Call Center. Trajnimi dhe organizimi i orarit të punës për punonjësit e Call Center.
6. Ndjek, hap çështje me palet e tjera (Procesor i kartave, Departamenti IT), për problematikat e identifikuara nga kontrollet e Njësisë, ato të raportuara nga degët të cilat kanë lidhje me proçeset e aplikimit të kartave, rakortimit të ATM-ve, menaxhimit dhe funsionimit të terminaleve POS.
7. Përfshihet aktivisht në testimet që nevojiten për implementimin e projekteve të reja, të cilat implementohen nga Njesia e Kartave.
8. Kontroll i Alerteve dhe Buletineve të nxjerra nga Master Card, me qëllim që të garantojë përputhshmerinë e proçeseve dhe operacioneve me standartet e kërkuara nga Master Card.
9. Mban kontakte me proçesorin e kartave si edhe me përfaqësues të Master Card për të zgjidhur probleme operacionale që lidhen me kartat, POS-et dhe ATM-të.
10. Përgjegjës për të inicuar dhe ndjekur rastet “Chargeback” me Master Card, sipas proçedurave më të fundit të MC.
11. Sinjalizon rastet e mashtrimeve me karta, analizon transaksionet për të identifikuar pikën e kompromentimit dhe jep sugjerime për të përmirësuar rregullat e Fraud-Monitoring.
12. Përgjegjës për përgatitjen e raporteve standarte javore/mujore/tremujore/vjetore mbi aktivitetin Issuing dhe Acquiring.
13. Kryen kontrollin e faturave të leshuara nga proçesori i kartave dhe Master Card si edhe regjistrimin e tyre sipas instruksioneve të dhëna nga Departamenti i Kontabilitetit.

Profili individual i dëshiruar:

• Arsim i lartë, ekonomik ose në fusha të lidhura me të.
• Eksperiencë e mëparshme në sektorin bankar në fushën e lëshimit të kartave dhe të aktivitetit të pranimit të kartave ATM dhe POS.
• Aftësi prezantimi te mira me gojë dhe shkrim, person kontakti me palët e treta (Master Card, degët/agjensitë e bankës dhe me departamentet e tjera të lidhura).
• Njohuri shumë të mira kompjuterike, në MS Office si dhe në sistemet financiare dhe raportimi të bankës, sidomos modulet e lidhura me ATM dhe kartat.
• Njohuri të mira të gjuhës angleze.
• Tipare personale: i/e kujdesshëm ndaj detajeve, korrekt/e, i/e komunikueshëm.

Personat e interesuar duhet të dërgojnë brenda datës 21 Tetor 2018:

- CV
- Letër “Shprehje Interesi” për pozicionin
- Kopje të diplomës dhe listës së notave
- Referenca nga punëdhënës të mëparshëm

Nepermjet:

Anegino-s

Vetëm kandidatët e përzgjedhur për intervistë do të kontaktohen.

Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.
Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive.
Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër.
Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë me UnionBank.