Specialist i Prokurimeve

Union Bank ka filluar aktivitetin në 2006, si pjesë e zgjerimit të kompanive të Union Group në Shqipëri. Që nga themelimi, banka ka njohur rritje sinjifikative në të gjithë sektorët dhe tani ka 30 degë në qytetet më kryesore të Shqiperisë.
Sot Union Bank ka rreth 380 punonjës në të gjithë Shqipërinë. Menaxhimi i Bankës i kushton rëndësi të veçantë krijimit të një ambjenti ku opinionet e punonjësve inkurajohen dhe vlerësohen. Ne jemi krenarë për raportet kolegiale dhe atmosferën në punë që kemi dhe kërkojmë që t’i përmirësojmë vazhdimisht ato.

Menaxhimi ka identifikuar nevojën për punësimin e një Specialisti të Prokurimeve në Departamentin e Administratës, në Drejtorinë e Përgjithshme në Tiranë. Ftohen aplikime nga kandidatë të përshtatshëm për këtë pozicion.


Qëllimi i përgjithshëm i punës është: Të koordinojë, ndjekë dhe dokumentojë proçesin e prokurimit të mallrave/ shërbimeve në bankë në të gjitha fazat, në përputhje të plotë me Politiken dhe Manualin e prokurimit si edhe ne zbatim të instruksioneve specifike të Drejtorit të Departamentit.

Përgjegjësitë Kryesore:

1. Përgatit të gjithë informacionin e kërkuar gjatë proçesit të prokurimit në mënyrë cilësore dhe të plotë nën drejtimin e Drejtorit të Departamentit të Administratës:
• Përgatit kërkesën për prokurim në bazë të kërkesave të ardhura nga Departamentet /degët dhe e dergon me email tek lista e furnitorëve në bazë të kërkimit të tregut;
• Përgatit përmbledhësen krahasuese dhe kryen analizën e ofertave të ardhura nga furnitoret për të rekomanduar përzgjedhjen e kompanisë fituese;
• Njofton për përzgjedhjen e kompanisë fituese dhe jo fituese;
• Në bashkëpunim me njësinë juridike të bankës përgatit kontratën për kompaninë fituese;
• Në rastin e blerjeve të drejtpërdrejta përgatit Urdheër Blerjet për rastet kur banka ka kontratë afatgjatë me furnitorët për shërbimet/ furnizimin e materialeve;
• Kryen analiza të shpenzimeve për të mundësuar prokurimin e mallrave/shërbimeve në cilësinë, afatin dhe brenda vlerës më të mirë për Bankën .
• Suporton në përmirësimin e proçeseve të prokurimit dhe për t’i realizuar brenda afatave dhe në mënyrë sa më efektive.
2. Bën pranimin e të gjitha faturave që mbërrijnë në bankë duke evidentuar datën e dorezimit në departamentin e administratës.
3. Kontrollon saktësinë e faturave sipas proçedurave të aprovimit bazuar në manualin e prokurimit dhe legjislacionit fiskal si dhe rregjistrimin e tyre në librin e rregjistrimit të faturave në Dep e Administratës. Dorëzon në departamentet përkatëse faturat për aprovim/firmosjen e tyre për konfirmim të shërbimit të kryer nga furnitori;
4. Faturës i bashkangjit të gjithë dokumentacionin shoqërues, konform proçedurave/kërkesave të manualit të prokurimit.
5. Kryen ruajten elektronike dhe arshivimin e dokumentave të proçesit të prokurimit & kontratave të nënshkruara me furnitoret që mbahen nga Departamenti i Administratës si dhe regjistron e administron kontratat në Modulin e Kontratave.
6. Përditëson rregjistrin e blerjeve në bazë javore dhe raporton statusin e kërkesave të kryera dhe në proces, për funksionin e prokurimit.
7. Suporton Specialisten e Administratës për të gjitha prokurimet që banka kryen për informacionin në lidhje me aktivet fikse, për të patur një pasqyrim të saktë të Aktiveve në Progres dhe Aktiveve për hyrje në punë.
8. Kryen detyra të tjera që mund t’i ngarkohen nga Drejtori i Departamentit.


Profili Individual i dëshiruar:

• Arsim: i lartë ekonomik, juridik ose fusha të lidhura me to;
• Eksperiencë punë: preferohet të ketë punuar më parë me prokurime për një periudhë të paktën dy vjeçare;
• Aftësi prezantimi të mira, me gojë dhe shkrim;
• Njohuri të mira të gjuhës angleze;
• Njohuri kompjuterike të MS Office, ëëëord, excel.
• Tipare personale: të veprojë me integritet; të ketë aftësi komunikuese/ndërvenpruese shumë të mira; aftësi për t’i dhënë zgjidhje situatave për çështjet për të cilat ka përgjegjësi; aftësi për të punuar i pavarur dhe për të marrë iniciativa brenda përgjegjësive të veta


Personat e interesuar duhet të dërgojnë brenda datës 05 Nëntor 2018:

- CV
- Letër “Shprehje Interesi” për Pozicionin
- Diplome dhe listë notash
- Letra reference nga punëdhënës të mëparshëm ose kontakte (e-mail/telefon) të supervizorit direkt

Nëpërmjet Anegino-s


Vetëm kandidatët e përzgjedhur për intervistë do të kontaktohen.


Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.

Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive.

Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër.
Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë me Union Bank.