Specialist i Përputhshmërisë, në Drejtorinë e Përgjithshme, në Tiranë

Union Bank ka filluar aktivitetin në 2006, si pjesë e zgjerimit të kompanive të Union Grup në Shqipëri. Që nga themelimi, banka ka njohur rritje sinjifikative në të gjithë sektorët dhe tani ka 30 degë në qytetet më kryesore të Shqiperisë.

Sot Union Bank ka rreth 360 punonjës në të gjithë Shqipërinë. Menaxhimi i Bankës i kushton rëndësi të veçantë krijimit të një ambjenti ku opinionet e punonjësve inkurajohen dhe vlerësohen. Ne jemi krenarë për raportet kolegiale dhe atmosferën në punë që kemi dhe kërkojmë që t’i përmirësojmë vazhdimisht ato.

Menaxhimi ka identifikuar nevojën për punësimin e Specialistit të Përputhshmërisë, në Departamentin e Operacioneve dhe Përputhshmërisë, në Drejtorinë e Përgjithshme, në Tiranë, ndaj ftohen të aplikojnë kandidatë të përshtatshëm për këtë pozicion.

Specialist i Përputhshmërisë në Drejtorinë e Përgjithshme, në Tiranë

Qëllimi i Përgjithshëm i Punës:

Të informohet në mënyrë të vazhduar dhe aktive mbi të gjitha ndryshimet rregullative dhe ligjore që prekin veprimtarinë e bankës. Eshtë përgjegjës për identifikimin, monitorimin, raportimin e risqeve ndaj të cilave ekspozohet Banka gjatë implementimit të proçedurave të reja ose të rishikuara bazuar në rregulloren e përputhshmërisë dhe adresimin e tyre në mënyrën më të përshtatshme në rregulloret përkatëse.

Përgjegjësitë kryesore përfshijnë:

1. Ndjek mbi baza periodike ndryshimet në legjislacionin rregullator të Bankës së Shqipërisë dhe informon Drejtuesit përkatës lidhur me ndryshimet.
2. Në bashkëpunim me Shefin e Njësisë, identifikon dhe vlerëson strukturat e brendshme të Bankës që preken nga ndryshimet rregullative dhe i informon ato brenda afateve të përcaktuara.
3. Propozon ndryshime të mundshme në procedurat e brendshme të bankës në kuadër të përputhshmërisë me legjislacionin bankar.
4. Monitoron mjaftueshmërinë e proçedurave të brendshme të Bankës që preken nga ndryshimet ligjore sipas informimit të bërë nga Departamenti Juridik.
5. Merr pjese ne procesin e monitorimit, testimit te mjaftueshmërinë se përputhshmërisë bazuar në performancën e zbatimit të rregulloreve /proçedurave të Bankës.
6. Suporton Njesine e Operacioneve ne lidhje me hartimin dhe rishikimin e procedurave te brendshme operacionale per rrjetin e degeve si dhe kryen detyra te tjera te ngarkuara nga Drejtori i Departamentit
7. Merr pjese ne procesin e vleresimit te procedurave te reja ne banke, qe impaktojne rrjetin e degeve duke siguruar perputhshmerine me kuadrin ligjor si dhe duke siguruar nje paraqitje te sakte, te qarte, te thjeshte dhe te standartizuar te procedurave operacionale qe u drejtohen stafit te degeve.
8. Kontribuon aktivisht në përgatitjen e proçedurave të brendshme të përputhshmërisë në funksion të zbatimit të politikave të Bankës dhe të menaxhimit të riskut të përputhshmërisë sipas elementeve të saj.
9. Merr pjesë aktive në trajnimin e stafit për tema të ndryshme lidhur me çështjen e përputhshmërisë.
10. Suporton njësitë e tjera brenda bankës në lidhje me çeshtje të përputhshmërisë duke dhënë kontributin në rishikimin e proçedurave të departamenteve të tjera, në funksion të kontrollit të dytë.
11. Merr pjese ne ndjekjen e rekomandimeve të grupit të auditimit të brendshëm lidhur me problematika të lidhura me përputhshmërinë në rrjetin e degëve dhe departamenteve duke u kujdesur për adresimin e tyre brenda afatit kohor të përcaktuar.

Kualifikimet/Eksperienca e kërkuar:

1. Të ketë përfunduar studimet universitare në Fakultetin Juridik, ose Ekonomik
2. Te kete eksperience te meparshme bankare, ne operacionet ne dege ose ne Drejtori. Eksperienca ne fushen e perputhshmerise do te perbente avantazh.
3. Të ketë njohuri shumë të mira të kuadrit rregullator në fuqi. Të ketë njohje të produkteve bankare dhe specifikave operacionale të tyre;

Aftësi te tjera:

1. Të ketë aftësi shumë të mira analitike dhe komunikuese si me shkrim dhe me goje.
2. Të ketë aftësi te demostruara per te mesuar shpejt dhe per te punuar ne grup.
3. Njohuri të mjaftueshme të gjuhës Angleze.
4. Përdorim shumë të mirë të programeve të paketës Office, Excel, Word, etj.

Personat e interesuar duhet të dërgojnë brenda datës 24 Shtator 2017:

- CV
- Letër “Shprehje Interesi” për Pozicionin
- Diplomë dhe listë notash
- Letra reference nga punëdhënës të mëparshëm

nëpërmjet Anegino-s,

Vetëm kandidatët e përzgjedhur për intervistë do të kontaktohen.

Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.

Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive.

Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër.

Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë me Union Bank.