Përgjegjës i Sektorit të Administratës

REPUBLIKA E SHQIPËRISË
AVOKATI I POPULLIT

NJOFTIM PËR VEND TË LIRË PUNE

Në zbatim të nenit 35 të ligjit Nr.8454, datë 04.02.1999 "Për Avokatin e Popullit" dhe ligjit Nr. 8549, datë 11.11.1999 "Statusi i Nëpunësit Civil" Institucioni i Avokatit të Popullit, shpall konkurimin për 1 vend të lirë pune, në detyrën Përgjegjës i Sektorit të Administratës.
Kandidatët duhet të plotësojnë kërkesat e përgjithshme në përputhje të nenit 12 të ligjit Nr. 8549, datë 11.11.1999 "Statusi i Nëpunësit Civil".

Kërkesat e veçanta për kandidatët janë:

1. Të ketë përfunduar studimet e Larta.
2. Të ketë jo më pak se 10 (dhjetë) vjet ekpseriencë në punë.
3. Preferohet me gjuhë të huaj.
4. Të zotërojë programet bazë të punës në kompjuter.
5. Të ketë aftësi të mira komunikimi dhe të punës në grup.
6. Të mos ketë pengesa të veçanta për t'u paraqitur në çdo kohë kur do të jetë e nevojshme në detyrë.

Paraqitja e dokumentave:
Brenda datës 13.08.2012, kandidati duhet të paraqesë dokumentat pranë Drejtorisë së Personelit dhe Administratës, në Institucionin e Avokatit të Popullit.

Dokumentat duhet të përmbajnë:
• CV-në
• Diplomën e librezën e notave të fotokopjuara dhe të noterizuar
• Librezën e punës
• Çertifikata kualifikimi
• Vërtetim të gjendjes gjyqësore
• Mosparaqitja e plotë e dokumentacionit përbën shkak për skualifikim.
• Kandidati të japë adresën e saktë të vendbanimit si dhe një numër telefoni.

Konkurrimi: Konkurrimi është i hapur për nëpunësit civil të së njëjtës klasë me proçedurat e lëvizjes paralele dhe të ngritjes në detyrë, nëse vendi nuk plotësohen nga këta kandidatë konkurrimi zhvillohet me kandidatët jashtë Administratës Publike sipas proçedurave të pranimit në shërbimin civil. Pas verifikimit paraprak do të bëhet shpallja e listës së konkurrentëve që do të vazhdojnë më tej konkurrimin si dhe data kur do të zhvillohet testimi me shkrim dhe intervista me gojë.

Kandidatët duhet të përgatiten në këto fusha: Ligji për Avokatin e Popullit i ndryshuar, Kodi i Proçedurës Administrative, Ligji Nr. 9643, dt. 20.11.2006 i ndryshuar me ligjin nr. 9800, dt. 10.09.2007 " Për Prokurimin Publik".

Të gjitha njoftimet për rezultatet e verifikimit paraprak, si dhe datat kur do të zhvillohen testimet, mund t'i gjeni pranë Drejtorisë së Personelit dhe Administratës në Institucionin e Avokatit të Popullit.

• Kjo reklam pune është publikuar në Anegino vetëm për qëllime informative. Ju NUK MUND TË APLIKONI tek kjo punë nëpërmjet Anegino-s. Ju lutemi t'i referoheni informacioneve të mësipërme për të mësuar se si të aplikoni për këtë punë.