Supervizore Pastrimi në Ulqin (Mal i Zi)

EPPC Albania & Kosovo, kërkon Supervizore Pastrimi për klientin e saj, që operon në Industrinë e Hoteleri-Turizmit në Ulqin (Mal i Zi).

Qëllimi kryesor i punës:

• Përgjegjëse për të gjitha operacionet ditore që lidhen me mirëmbajtjen dhe ruajtjen e dhomave të hotelit, ambienteve publike, pishinë, duke u kujdesur të jenë kryer konform standarteve të cilësisë dhe politikave e procedurave të sigurisë;
• Verifikon dhe përditëson çdo ditë statusin e dhomave dhe mirëmbajtjen e tyre;
• Planifikon, ndan dhe kontrollon në mënyrë të përpiktë detyrat e stafit të pastrimit duke u siguruar të kryhen në kohë dhe në shërbim të kënaqësisë dhe komoditetit të klientëve;
• Bashkëpunon ngushtë me të gjitha departamentet e tjera si recepsioni, lavanderia, departamenti teknik, me qëllim koordinimin me sukses dhe në kohë të aktiviteteve të përditshme;
• Asiston në përzgjedhjen e stafit të pastrimit dhe i trajnon ata në lidhje me detyrat që duhet të kryejnë;
• Mirëpret dhe suporton me informacion në mënyrë të sjellshme, etike dhe profesionale klientët.

Kërkesat për këtë pozicion janë:

• E preferueshme të jetë nga Veriu i Shqipërisë (Shkodër, Lezhë, Laç etj.) ose nga Kosova;
• Të zotërojë shumë mirë gjuhën Shqipe dhe Malazeze (domosdoshmëri);
• Diplomë gjimnazi, ose diplomë profesionale në Hoteleri-Turizëm;
• E gatshme të zhvendoset për punë në Ulqin/Mal i Zi, (veçanërisht gjatë sezonit turistik);
• Përvoja e mëparshme në pozicione të tilla ose të ngjashme, përbën avantazh;
• Njohuri të mira kompjuterike.

Të dhënat:

Pozicioni: Supervizore Pastrimi;
Vendndodhja: Ulqin (Mal i Zi);
Orari: 48 orë në javë;
Kontrata: Sezonale (Prill – Tetor), me mundësi rinovimi ;
Pagesa: 450 EURO net/muaj;
Aplikimet mbyllen: 15.12.2016.